Acer официјално потврди дека ќе ги користат NVIDIA GeForce RTX картичките во својата нова генерација Predator Orion гејмерски компјутери. Компанијата специфицира дека интеграцијата на моќниот хардвер базиран на NVIDIA Turing архитектурата ќе им овозможи на Predator Orion 9000, 5000 и 3000 да понудат импресивни перформанси и ниска потрошувачка на енергија. Новите графички картички ќе ја намалат латентноста и ќе придонесат за најреалистични снимки, пренесе Digitimes
Значи Acer ќе стане една од првите компании кои ќе ги користат NVIDIA GeForce RTX на своите гејмерски компјутери. Acer Predator Орион 9000 ќе биде оптимизиран за виртуелната реалност и ќе може да репродуцира содржина со резолуција од 8K UHD. Други карактеристики ќе вклучуваат комбинација на NVIDIA GeForce RTX 2080 Ti и процесорот Intel Core i9 Extreme Edition, кој има 18 јадра со 36 „треда“. Специјалниот систем за ладење го дели хардверот од различни топлински зони за да обезбеди оптимална температура.
Во исто време Acer Predator Orion 5000 ќе ја користи основната верзија на NVIDIA GeForce RTX 2080 и Intel Core i7-8700K процесори од осмата генерација. Најприфатливиот модел од серијата е Predator Orion 3000, кој е оптимизиран за виртуелната реалност и може да репродуцира содржина со 4K резолуција. Корисниците можат да изберат меѓу конфигурации со 32GB Intel Optane меморија и 64GB DDDR4 RAM. Acer понатаму ќе открие детали за цената и премиерата на новите модели.