Алијансата за Албанците (АА) ќе го поддржи референдумот, одлучи Централното собрание на партијата, како што најави и генералниот секретар на партијата Арбен Таравари во интервју за ЦИВИЛ МЕДИА.
„Алијансата ќе го повика членството да го поддржи референдумот“ – изјави Зијадин Села, претседател на Алијансата за Албанците, како што пренесе МИА.
Воедно, АА го задржува остриот тон на критики кон владејачката коалиција СДСМ-ДУИ. Дел од критиките се однесуваат на фактот дека АА биле исклучени од процесот на одлучување во контекст на референдумот, како и за формулацијата на референдумското прашање. Исто така, според АА, непотребно е изјаснувањето околу референдумот на кое повика Претседателот на Собранието, Талат Џафери, бидејќи на партијата не ѝ е најважно да добие пари за кампањата за референдумот.