Huawei планираат да ги претстават официјално Honor 8X и Honor 8X Max на специјален настан што ќе се одржи на 5 септември. Додека ја очекуваме премиерата, дознаваме малку повеќе детали за подобрувањата што ќе ги нудат овие два уреди. Новите податоци во социјалната мрежа Weibo ставаат крај на шпекулациите кои процесори ќе ги користат Honor 8X Max. Високите перформанси ќе се обезбедат од 8јадрениот чип Qualcomm Snapdragon 660 со работна фреквенција од 2.2GHz.
Смартфонот ќе биде опремен со огромен дисплеј кој е со дијагонала од 7.12 инчи и поддржува резолуција од 2244х1080 пиксели. Во задниот дел ќе има двојна камера, кој нуди комбинација меѓу главен 16МР објектив и дополнителен 2 МП сензор, информира AndroidPure. Љубителите на селфи фотки ќе можат да ја искористат новата 8MP камера напред. Меморијата е 4GB, а графичкиот чип на Honor 8X Max ќе биде Adreno 512.
Oгромниот смартфон ќе се напојува од батерија со моќност од 4900mAh и ќе биде со тежина од 220 грама. Во исто време се очекува Honor 8X да споделува голем дел од хардверот на Honor 8X Max, но ќе биде со покомпактни димензии. Двата модели најверојатно ќе работат со Android Oreo и нема да биде изненадување ако се едни од првите смартфони на Huawei, кои ќе добијат надградба кон Android Pie. Останува да се разбере каква ќе биде цената на европскиот пазар.