Следната голема обнова на оперативниот систем Windows 10 ќе излезе во октомври, соопшти Microsoft за време на саемот за електроника IFA 2018 во Берлин.
Ажурирањето, познато како Windows 10 Redstone 5, ќе стигне до корисниците под името Windows 10 October 2018 Update. Се очекува Microsoft да ги открие деталите за ажурирањето во наредните недели.
Потпретседателот на Microsoft, Ерин Чапел вели дека Windows 10 October 2018 Update ќе предложи нови карактеристики и подобрувања за речиси 700 милиони уреди под управување на Windows 10, кои ќе им помогнат на луѓето максимално ефикасно да го искористат своето време.
Во моментов тимот на Windows завршува со работата на новата голема надградба на Windows 10. Според прелиминарните информации, верзијата ќе предложи API DirectX Raytracing (DXR) во рамките на DirectX 12, кој ќе го подобри корисничкото искуство при игри и 3D апликации.
Информацијата во WindowsCentral тврди дека финалниот RTM пакет на Windows 10 верзија 1809 е планиран за пуштање на 25 септември. Учесниците во програмата за тестирање, Windows Insider можат да го добијат RC пакетот уште на 14 септември, а по отстранувањето на откриените грешки се очекува да излезе конечната RTM верзија.
Развојниот тим на Microsoft веќе се фокусира на следната голема верзија на оперативниот систем кодно име 19H1, која се очекува да излезе во пролетта 2019 година.