За првпат Apple ќе емитува свој настан во живо на Twitter и тоа ќе биде утре на премиерата на новите модели на iPhone.
На овој начин компанијата ќе ги прошири платформите во кои корисниците ќе можат да го гледаат претставувањето – последните премиери беа достапни само во Safari, Apple TV и Microsoft Edge во Windows 10.
Претходно оваа година компанијата овозможи и на корисниците на новите верзии на Chrome и Firefox да го следат отворањето на WWDC конференцијата, па додавањето на Twitter е логичен чекор.
Настанот започнува утре во 20 часот, а на него, покрај новите модели на iPhone, очекуваме да видиме ажурирана верзија на Apple Watch.
Како и обично, ќе најдете детали за сите интересни премиери од презентацијата и на нашата страница.
Join us September 12 at 10 a.m. PDT to watch the #AppleEvent live on Twitter. Tap ❤️ below and we’ll send you updates on event day. pic.twitter.com/i9mGHTKhvu
— Apple (@Apple) September 10, 2018