Претседателството на албанската владејачка Социјаистичка партија на денешната седница одлучи да ги разреши претседателите на 11 општински ограноци. 
Разрешувањето е поради „неисполнување на задачите и целите, како и негрижата во оние партиски ограноци каде локалната власт ја раководи опозицијата“.
По седницата, одржана без присуство на медиумите, пратеничката Елиса Спиропали најави дека списокот со имињата на сменетите претседатели на општински ограноци ќе биде и јавно соопштен подоцна.
Таа истакна дека ќе има смена и на директори.
– Се прави анализа и на успешноста на диреторите, по што ќе се донесе одлука и за нивно разрешување. Во моментот правиме анализа на раководењето, посочи таа.
Лидерот на партијата и актуелен премиер Еди Рама побарал од секој пратеник да ги идентификува директорите кои не работат како што треба, бидејќи, според него, директорите со лошото раководење и корупција го оцрниле лицето на социјалистите.
Седницата на претседателството на Социјалистичката партија се одржува два дена по апсењето на поранешниот генерален директор на албанските затвори, Арбен Чако и поранешниот пратеник Арбен Ндока.
Текстовите, фотографиите, видеоматеријалите и другите содржини што ги објавува „lokalno.mk" се авторски.
Во ниту еден случај не е дозволено нивно бесплатно преземање без дозвола од редакцијата на Lokalno.
Доколку се добие дозвола, текстовите, фотографиите, видеоматеријалите и другите содржини дозволено е да се преземат со задолжително наведување на изворот и авторот со вметнување на директна интернет-врска (линк) до оригиналната содржина на „lokalno.mk".
При добивање на одобрување од редакцијата за превземање на текст, може да се превземе само дел од новинарско дело насловот, придружната фотографија (односно насловната фотографија) и воведниот дел на текстот, познат како „лид"
Преземање содржини од „lokalno.mk" надвор од овие услови не е дозволено и подложи на санкционирање согласно Законот за авторски и сродни права.