ХРТ тужи свои вработени поради соопштение на Хрватското новинарско друштво

Тој на прес-конференција насловена „Нов удар на ХРТ врз ХНД“ рече дека според тужбата примена во понедленикот, ХРТ од ХНД бара надомест на штета поради „грубо повреден углед, чест и име“ од 200.000 куни, и уште 50.000 од претседателката на огранокот на ХНД во ХРТ, Сања Миклеушевиќ Павиќ.

Причина за тужбата е соопштение на тој органок на ХНД од 11 септември годинава, кое било емитувано под наслов  „Огранокот на ХНД на ХТВ против манипулации и неодговорно однесување на привилегирано малцинство“.

Зовко тужбата ја нарече „невиден напад врз работата и дејствувањето на Огранокот на ХНД врз Хрватската радиотелевизија, заплашување на новинарите на ХРТ и обид за финансиски напад врз Хрватското новинарско друштво“.

– Ова е невиден облик на цензура и притисок од луѓето кои ја водат ХРТ, рече Зовко.

Тој додаде дека писмено се обратил и до премиерот Андреј Пленковиќ кого го известил за случувањата во ХРТ и оти планира тоа да го направи и кон други хрватски и европски институции.

На прес-конференцијата не присуствувал ниту еден новинар на ХРТ.