Производи:
1 пакетче готови кори
4-5 големи свежи печурки
3 страка млад кромид
2 чешниња лук
2 домати
неколку маслинки без семка
свежи зачини – магдонос, босилек, мајчина душица и рузмарин
сол
масло
рендан пармезан (опционално)
Подготовка:
Во малку масло запржете лук, кромид и печурки. Потоа додадете сецкани излупени домати, зачинете со сол. По мешањето на течноста од доматите, додадете ги сецканите маслинки и гответе уште 3-4 минути. Откако ќе се отстрани од огнот додадете свежи зачини.
Оставете филот да се олади. Откако корите ќе се отворат, исечете ги на 4 триаголника секоја. Во широкиот дел ставаме 2 лажици од филот, ги превиткуваме краевите и виткаме стегнат ролат, па секое го потопуваме за секунда во сад со вода и редиме во послужавник послана со хартија за печење.
Посипете со неколку капки масло и малку рендан пармезан и печете во рерна загреана до 200 степени до зацрвенување на баничките.