Во текот на изминатото деноноќие во Скопје се санкционирани 41 возач за брзо возење, а тројца биле под дејство на алкохол, покажуваат податоците од билтенот на СВР Скопје.
Во текот на изминатите 24 часа во Скопје се случиле вкупно осум сообраќајни незгоди од кои во седум со лесни телесни повреди се здобиле 10 лица, а во една сообраќајка е причинета материјална штета.
Од сообраќај се исклучени и 20 возачи пред да се стекнат со правото за управување на моторно возило и тројца возачи почетници. Исклучени од сообраќај се и 14 нерегистрирани возила.
Сообраќајната полиција издала 80 казни за непрописно паркирање, а со специјалното возило „пајак“ подигнати се 75 возила.
На црвено светло поминале шест возачи, четворица не дале првенство на минување на пешаци, тројца не носеле зимска опрема во возилата, а тројца користеле мобилен телефон.
Во текот на вчерашниот ден, Одделението за превенција реализираше посебна воспитна сообраќајна мерка на која присуствувалепешаци кои направиле прекршоци по разни основи.