Грчкиот премиер Алексис Ципрас е во искушение да издвои една милијарда евра, што се очекува да ги добие од Европа, за предизборни подароци, пишува „Фајненшал тајмс“ цитиран од грчкото издание „Прото тема“.
„Европската унија се соочува со тешкотии поради тоа што ја пушти Грција без каиш“, сподели „Фајненшал тајмс“ и забележува дека Брисел не може лесно да изврши притисок врз Атина да ги исполни своите обврски сега, откако програмите за спасување веќе завршија.
Проблемот е европски, а не само грчки, но Грција е важен пример, пишува весникот.
„Подароците се примамливи за Алексис Ципрас, а неговата партија заостанува зад анкетите од Нова демократија за парламентарните избори кои најверојатно ќе се одржат на есен“, се вели во весникот.
Според „Фајненшал тајмс“, проблемот со Европа сега е како тоа ќе осигура дека наследникот на Ципрас, кој најверојатно ќе ги изгуби изборите, ќе го сочува истиот огромен буџетски вишок и строгата политика.