Интегрирањето на можностите на Linux во Windows продолжува. Microsoft развива сопствено Linux
јадро, кое ќе биде вградено во оперативниот систем Windows 10, стана јасно во првиот ден на
конференцијата за програмери Build 2019.
Тест верзија на Windows 10 со вградено Linux јадро ќе стане достапна за учесниците во програмата
Wndows Insider во крајот на јуни. „Кернелот“ ќе служи како основа на архитектурата на Microsoft
Windows подсистеми за Linux (WSL) 2.
За прв пат целосно Linux јадро се вградува како компонента во Windows, истакнаа претставници на
Microsoft за време на конференцијата во Сиетл.
WSL 1 претставуваше слој за компатибилност – во суштина емулатор за извршување на бинарни
датотеки на Linux (ELF) во Windows 10 и Windows Server 2019 средина. Тој овозможи пренесување
во Windows на обвивката Bash, додавање на поддршка на OpenSSH и вклучување на дистрибуциите
Ubuntu, SUSE Linux и Fedora во продавницата за апликации на Microsoft.
Појавата на целосно Linux јадро во WSL 2 ќе донесе голем број на бенефиции, подобрена
компатибилност и перформанси на Linux апликации под Windows, забрзано време за полнење,
оптимизирано користење на оперативната меморија, забрзани влезно-излезни операции на датасистемот и директно пласирање на Docker контејнери, наместо преку виртуелна машина.
Реалниот напредок на продуктивноста ќе зависи од конкретната апликација и како таа ќе
комуницира со дата-системот. Внатрешни тестови на Microsoft покажуваат дека WSL 2 работи 20
пати побрзо во споредба со WSL 1, при обработка на архиви „tarball“ и 2-5 пати побрзо при
користење на на „git clone“, „npm install“ и „cmake“ во различни проекти.
Microsoft Linux ќе се базира на долгорочната стабилна 4.19 верзија и облачните технологии Azure.
„Кернелот“ ќе биде целосно отворен, т.е. сите промени внесени од Microsoft ќе станат достапни за
заедницата на Linux Developer.
Со излегување на следната долгорочна стабилна верзија на Linux „кернелот“, Microsoft ќе ја
реновира и својата верзија за WSL 2, за да имаат програмерите секогаш пристап до најновите
иновации во Linux.
WSL 2 нема да вклучува никакви бинарни датотеки во корисничкиот простор, како што е и кај
тековната верзија WSL 1. Корисниците ќе можат да избираат која дистрибуција на Linux да ја
користат, откако ќе ја полнат од Microsoft Store или од други извори.
Во исто време, Microsoft објави нова моќна апликација од типот „командна линија“, наречена
Windows Terminal. Вклучува табови, екстензии, текст емотимони, поддршка за теми и рендерирање
на текст на GPU база.
Апликацијата ќе се користи за пристап до средини како PowerShell, Cmd и WSL. Таа се јавува како
нов чекор на Microsoft кон поедноставување на интеракцијата на програмерите со Windows 10.
Прелиминарна верзија на Windows Terminal веќе е достапна во GitHub, а во јуни ќе се појави таква и
во Microsoft Store.