„Uber Technologies“ привлече 8,1 милијарда долари во првичната јавна понуда (IPO) откако емисискиот износ на акциите беше поставен на понискиот крај на ценовниот опсег, објави „Блумберг“. Компанијата за споделени патувања продаде 180 милиони акции по цена од 45 долари по акција. Ова ѝ донесе пазарна вредност од 75,5 милијарди долари. Претходно, „Uber“ ја постави цената на акциите од 44 до 50 долари по акција.
Дебито на акциите не беше најуспешно. Акциите на крајот на тргувањето паднаа за речиси 8% и завршија со цена од 41,57 долари.
„Волстрит журнал“ забележува дека од 2000 година, само 18 компании чија капитализација надминала 1 милијарда долари, ја загубиле вредноста на нивните акции на првиот ден од излегувањето од американските берзи. Во повеќето случаи, акциите се зголемиле во просек за 21%.
Ниска пазарна оценка
Врз основа на капиталот по IPO, капитализацијата на компанијата достигна околу 75,5 милијарди долари. Ова е малку под проценката на последното приватно финансирање, кога беше проценета на 76 милијарди долари. Нејзината целосна вредност, вклучувајќи ги и блокираните хартии од вредност и акции, настрана од вообичаените, би можела да достигне 82 милијарди долари.
Претходно оваа година, компанијата објави дека планира да привлече 10 милијарди долари во своето деби на берзата. Под влијание на слабите резултати на својот помал конкурент „Lyft“, „Uber“ бараше проценка помеѓу 90 и 100 милијарди долари. Во прелиминарните предвидувања, инвестициските банки сметаа дека компанијата може да стигне пазарна капитализација од 120 милијарди долари по дебито на берзата. Во својата првична јавна понуда, „Lyft“ привлече 2,3 милијарди долари капитал и достигна вредност од 22,4 милијарди долари.
Дури и во долниот крај на ценовниот опсег, излегувањето на „Uber“ ќе биде меѓу 10-те најголеми американски првични јавни понуди на сите времиња и второто најголемо на американската берза по рекордното IPO на Alibaba во 2014 година. Ниската пазарна оценкае делумно поради фактот што компанијата чекаше скоро една деценија да стане јавна во време кога пазарните услови не беа идеални.
Американските акции забележаа пад четврти ден по ред во четвртокот, исправајќи го индексот S & P 500 пред најтешката недела за годината во позадина на зголемените трговска тензии меѓу САД и Кина. Акциите на компанијата за споделено патување почнаа да се тргуваат на њујоршката берза во петокот под симболот UBER.
Оваа година, која се очекува да биде една од најоптоварените во однос на излегување на берзата на американските технолошки компании во последните 20 години, започна со делумно сопирање на работата на владата. Ова, исто така, доведе до суспензија на активностите на берзанската комисија, која ги одобрува IPO-документите на компаниите за 35 дена. Откако во декември, „Uber“ и „Lyft“ поднесоа документи за излегување на берзата заедно со другите стартaпи, тие останаа на чекање, додека акциите во САД се радуваа на најдобар годишен старт од најмалку една деценија.
Цените и последователното претставување на акциите на „Uber“ ќе бидат внимателно следени од други технолошки компании, кои се очекува да станат јавни оваа година, вклучувајќи „Slack“, „Airbnb“, „Postmates“ и „Peloton Interactive“.
Инвеститори
„Uber“ ги постави своите приоритети во изборот на акционерите, особено институционалните инвеститори кои, според компанијата, ќе ги задржат купените акции долго време, според изворот на „Блумберг“. Компанијата се надева дека ќе ги избегне првите бурни недели на трговијата, кои ќе ја намалат цената на акциите, како што се случи со оние на „Lyft“, кои паднаа под цената 72 долари при IPO и веќе се за над 20% поевтини. Тогаш оценката на најголемиот конкурент на „Uber“ накратко потона под оној на последниот приватен круг на финансирање и достигна 15,1 милијарди долари.
„Ние гледаме на конзервативното оформување на цената на „Uber“ како интелигентна и претпазлива стратегија која излегува од вообичаеното. Компанијата се учи од „помалиот брат Lyft“ и од неговото искуство во последниот месец“, рече аналитичарот од „Wedbush Securities“, Дан Ајвс.
Како и многу други компании што ќе дебитираат на берзата оваа година, „Uber“ е непрофитабилен. Таа претходно ги предупредила регулаторите дека „таа може никогаш да не излезе во профит“. При приходи од 11,3 милијарди долари минатата година, загубата изнесуваше 3,04 милијарди долари. Вкупните оперативни загуби во текот на изминатите три години надминаа 10 милијарди долари.