Визијата на Microsoft за иднина без лозинки е еден чекор поблизу до практична имплементација.
Компанијата има добиено официјален FIDO2 сертификат за биометрискиот систем за автентикација
под Windows 10, Windows Hello. Тоа е стандард, кој стекнува на популарност и кој ги заменува
традиционалните лозинки и овозможува на оперативни системи и апликации да се
идентификуваат корисниците преку биометрика и ПИН кодови.
Сертифицирањето е за мајската надградба на Windows 10 (Windows 10 верзија 1903), која ќе биде
пуштена официјално на крајот на мај.
Моментално корисниците на Windows 10 можат да го користат Windows Hello за пристап до уредите
преку отпечаток или преку препознавање на лицето на својот компјутер.
Во блог пост во кој се пријавува за сертифицирањето на Windows Hello, менаџерот на тимот на
Microsoft за криптографијата, идентитет и авторизација – Јогеж Мехта ги објаснува причините
поради кои компанијата се обидува да ги елиминира лозинките.
„Ние не сакаме лозинки затоа што мораме да ги паметиме. Како резултат на тоа често создаваме
лесни за погодување лозинки, што ги прави мета за хакери кои се обидуваат да добијат пристап до
нашиот компјутер или мрежа“, вели тој.
Сега, кога Windows Hello ќе добие FIDO2 сертификација, корисниците ќе го гледаат логото FIDO
Certied на новиот Windows 10 PCS.
Сертификатот Windows 10 1903 FIDO2 исто така ќе ја прошири својата апликација настрана
софтверот на Microsoft и корисниците ќе можат да влегуваат во својот профил во Microsoft и на
други поддржани од FIDO сајтови од Mozilla Firefox. Проверката на автентичноста на Windows Hello
наскоро ќе биде можна и во прелистувачот Edge.
Според Microsoft, корисниците ќе можат да влегуваат беспрекорно со Windows Hello и во неговите
различни апликации и услуги, вклучувајќи Outlook, Oce 365, Skype, OneDrive, Cortana, Xbox Live,
Microsoft Store и други.
По се изгледа дека деновите на користење на традиционалната лозинка полека одат кон својот
крај и за среќа Microsoft и други технолошки гиганти како Google целосно го прифаќаат пристапот
за иднина без лозинки.