Европскиот парламент ќе започне истрага против Најџел Фараж за наводно не пријавил подароци во вредност од скоро половина милион фунти, пренесе „Политико“.
Портпаролот на институцијата рече дека претседателот Антонио Тајани побарал петчлена комисија, која го следи почитувањето на кодексот на однесување на европратениците, да оцени дали британскиот претставник на евроскептиците ги прекршил правилата.
Според британскиот телевизиски Канал 4, Фараж добил подароци во вредност од 450 илјади фунти од осигурителниот магнат Арон Бенкс, коосновач на групата, која ја водеше кампањата за „Брекгит“ – „Leave.EU“. Се тврди дека финансиската поддршка на Банкс за Фараж вклучувала автомобил со возач, патувања до САД и живеалиште во лондонскиот кварт „Челзи“.
Портпаролот на Банкс ја потврди за Би-Би-Си сумата на подароците и рече дека му било „чест да помогне“. Фараж рече дека ова прашање е лично и тој не ги прогласил подароците пред Европскиот парламент, бидејќи тој сакал да излезе од политиката и да започне нов живот во САД.
Фараж, кој како европратеник годишно добива 102 илјади евра плата, заработил 700 илјади евра од медиумски учества во 2014-2018 година, што го става на шестото место на листата за богатство од надворешни приходи на европратениците.