Рохани: Иран е подготвен за разговори со САД доколку покажат почит

Иранскиот претседател Хасан Рохани најави дека Иран може да биде подготвен за разговори за нуклеарната спогодба ако САД покажат почит и подготвеност да дејствуваат во согласност со меѓународните правила, но исто така истакна дека Техеран нема да подлегне на притисоците да започне преговори, јави агенцијата Фарс.

– Ние сме за разговори, доколку другата страна седи на преговарачката маса со почит и ако се држи до меѓународните регулативи, а не ако ни нареди да преговараме, рече Рохани.