По еврокомесарот Јоханес Ханна пораката до Северна Македонија се надоврза иа американската амбасадорка Кејт Брнс,   за случајот „Рекет“, таа вели дека станува збор за сериозни обвинувања што бараат сериозен одговор, како и дека сега е моментот Северна Македонија да покаже посветеност на владеење на правото.

„Како што кажавме претходно, ова се сериозни обвинувања што бараат сериозен одговор што ќе биде темелен, транспарентен и навремен. Сега е моментот Северна Македонија да покаже посветеност на владеење на правото“, твитна Брнс.

Хан порача   дека сите криминали мора да бидат истражени од надлежните, ослободени од секакви влијанија, и престапниците да бидат изнесени пред лицето на правдата.

„Борбата против високата корупција мора да продолжи непречено. Во врска со најновите откритија важно е да се воспостави правна одговорност за сите криминали, вклучувајќи ги и оние што произлегуваат или се поврзани со нелегално прислушуваните материјали. Никој не е над законот и не смее да има неказнивост. Сите криминали мора да бидат истражени од надлежните, ослободени од секакви влијанија, и престапниците да бидат изнесени пред лицето на правдата“, напиша Хан на Твитер.

Токму САД и ЕУ помогнаа да биде формирано Специјалното јавно обвинителство, посредувајќи да се постигне Пржинскиот договор, потпишан од Никола Груевски, Зоран Заев, Али Ахмети и Мендух Тачи. Специјалната обвинителка Катица Јанева беше заеднички предлог на потписниците на Пржинскиот договор.