Денешните дискусии на Националната конвенција за Европската Унија, одржана со Собранието на РСМ, претставуваа одлична можност да извлечеме објективни заклучоци околу улогата и однесувањате на власта и опозицијата во овој исклучително битен момент за иднината на нашите евроатлански интеграции, сподели заменикот министер за надворешни работи Андреј Жерновски.
„Просто е неверојатно како ВМРО-ДПМНЕ не може да собере сила и да се издигне над вообичаениот нивен политички фолклор. Ниту поранешниот МНР, Никола Поповски, не успае да го сокрие разочарувањето што сме близу добивање на датум за преговори, па зборуваше дека “сме биле спремни за чочек и забави”, односно дека “сме биле толку добар кандидат, што во Брисел не сакале да не’ изгубат како кандидат”. Колку позади оваа “духовитост” се крие фрустрација, заклучете сами.
Како е можно, сите во актуелното партиско раководство, да не можат да разберат дека граѓаните од нив очекуваат конструктивно и државнички однесување.
Ако не можат и не сакаат да помогнат, тогаш барем нека не одмагаат. Зарем нема некој што ќе им објасни, особено на него и на Милошоски, како поранешни министри за надворешни работи, дека овде не се работи за партиско-политичка игра, тука за иднината на нашата држава и на нашите деца“, потенцира Жерновски.