Синдикатот на вработените во полицијата поднесе кривична пријава против актерот Бранислав Трифуновиќ за уништување на српското знаме за време на настапот во театарската претстава „Пад“, пренесоа српските медиуми.
Осврнувајќи се на член 173 од српскиот кривичен законик, полицискиот сојуз бара од надлежниот обвинител да покрене постапка против добро познатиот драмски уметник, за што е предвидена парична казна или затвор до три месеци.
-Кривична пријава против Бранислав Трифуновиќ од 3.10.2019 година. Во театарската претстава „Пад“ која беше прикажана во Лесковац за време на изведбата на претставата, го искина српското знаме. Од горенаведеното, бараме од обвинителот да покрене постапка против Бранислав Трифуновиќ – пишува во пријавата против актерот.