Раниери и официјално нов тренер на Сампдорија

Искусниот италијански тренер Клаудио Раниери и официјално е поставен за шеф на стручниот штаб на калчолигашот Сампдорија.

Договорот со 67-годишниот фудбалски стручњак е со важност до летото 2021 година, објавено е на официјалната веб-страница на клубот.

Раниери го замени Еузебио Ди Франческо, кого раководството на клубот од Џенова го отпушти поради слаби резултати. Сампдорија е последна во Серија А со само 3 бода.

Претходно во својата кариера Раниери беше тренер на Рома, Јувентус, Интер, Фиорентина, Атлетико, Челзи и Лестер на кого му ја донесе првата титула во Премиер лигата.