Вљубувањето може да биде голем предизвик, колку и да имаме желба да запознаеме некој кој ќе го сакаме и ќе нè сака без оглед на сè. Секако, љубовта е прекрасна, но понекогаш и навистина застрашувачка.
Ова се неколку од најчестите причини што нè спречуваат да љубиме со целото срце:
1. Не сакаме да бидеме ранливи
Тешко е да се покаже некаква слабост, бидејќи повеќето од нас сметаат дека другите сакаат силни луѓе. Но, всушност, нашите слабости, исто како и силните страни, нè прават да бидеме она што сме. Покажувајќи ги вашите сомнежи и грешки, му давате можност на вашиот партнер да ви помогне и заедно да ги решите.
2. Доживотната моногамија нè плаши
Сигурно е тешко да се замисли остатокот од нашите животи со една личност, особено во денешно време кога толку многу опции се социјално прифатливи. Студијата покажува дека за голем процент од паровите меѓу 25 и 35 години, отворените односи се исто толку задоволувачки како и моногамните. Ако земеме предвид дека процентот на млади кои растеле во нефункционални семејства е голем, стравот од моногамија е сосема разбирлив.
3. Се плашиме од повторување на грешките во минатото
Некои луѓе имаат зад себе големо, но и болно искуство. Тешко е да се влезе во нова врска со целиот тој емоционален багаж, затоа што може да се повторат истите грешки што веќе еднаш сме ги направиле.
4. Ја ценат осаменоста
Излегувањето со луѓе, особено во големи групи, може да биде заморно. Љубовта бара вложување на многу време и енергија. Но, сепак се покажало дека дури и најинтровертните луѓе се среќни кога конечно ќе го најдат партнерот со кој се среќни.
5. Познаваат парови кои раскинале по долгогодишна врска
Луѓето се менуваат, интересите се менуваат и понекогаш врските едноставно се распаѓаат. Сигурно сте виделе дека ова се случува околу вас, на пријателите, во семејството… Но, љубовта бара и да излезете од комфорната зона за да можете да си ги дозволите задоволствата кои ги носи.
6. Се плашите од губење на самоконтролата
Да се сака, значи дека понекогаш ќе се чувствувате среќни, но исто така лути, тажни или разочарани. Љубовта има можност да предизвика нерационални реакции и интензивни емоции. Ова може да изгледа страшно ако сакате да ги одржувате работите околу вас стабилни.
7. Се плашите од губење на вашиот идентитет
Потребно е долго време да се изгради идентитет со кој се чувствувате пријатно. Веројатно треба да се справите со многу несигурности за да дојдете до оваа фаза од животот, па дури и идејата дека ќе мора да се промените ве заплашува.