Бројот на смртни случаи од грип во Грција, се зголеми на 13, од кои пет од минатата недела, според Националната здравствена организација (EODY), која објави дека има зголемување на посетите на лекари со симптоми на грип во однос на минатата недела. 
Пет од смртните случаи се случија минатата недела, поттикнувајќи ги загриженоста од здравствените власти за опасност од епидемија на грип. Тие ги охрабруваат лицата со симптоми на грип да останат дома и ги советуваат почесто да ги мијат рацете за да избегнат ширење на бактерии.
Од октомври се пријавени вкупно 59 сериозни случаи на грип, од кои 25 добиле вакцина против грип.
Прирачникот на Министерството за здравство треба да биде доставен до училиштата со упатства за превентивни мерки за спречување на ширење на вирусот на грип во училниците.