На состанокот на Европскиот комесар за соседска политика и проширување, Оливер Вархеји со српскиот премиер Ана Брнабиќ и министрите, се појави непријатна ситуација кога министерот за надворешни работи Ивица Дачиќ вербално го нападна гостинот, кој потоа ја напушти средбата. Еден час пред Дачиќ да дојде на разговорот со Вархеји, разговорот се одвиваше сосема нормално, без високи тонови и непријатности.
Во еден момент Дачиќ зема збор и грубо му се нафрли на Вархеји.
– Тој беше многу непријатен. Тој му рече дека не знае каде дошол, дека ќути додека се киднапираат српски манастири на Косово, дека ќути за таксите што ги наметнала Приштина за Србија – вели изворот на „Блиц“ кој присуствувал на состанокот.
Премиерката, како и министерката за ЕУ Јадранка Јоксимовиќ и министерката за внатрешни работи Небојша Стефановиќ биле вчудоневидени, по што Вархеји го вклучи микрофонот и се обрати до српскиот министер за надворешни работи.
– Јас сум единствениот европски комесар што реагираше на таксите, го осудив она што се случува во Црна Гора. Србија е првата земја во која дојдов по воведувањето на новата методологија, дојдов тука да ви помогнам – рекол Вархеји.
Потоа, тој го исклучил микрофонот, се приближил до Ана Брнабиќ, се ракувал и ја напуштил просторијата.