За денеска остана гласањето на пратениците за законот за одбрана, за јавно обвинителство и за законот за Советот на јавни обвинители. Потоа би требало да се одржи последната собраниска седница во овој пратенички состав. На 12 април треба да се одржат предвремени парламемнтарни избори.
Опозицијата не го поддржува законот за одбрана бидејќи се менува името на армијата. Пратнеикот Илија Димовски тврди Преспанскиот договор предвидува промена на името во рок од пет години по отворањето на поглавјето за одбрана со ЕУ. Пратениците од власта сметаат дека е неопходно усогласување на законодавството со НАТО.
Сѐ уште неизвесно е дали ќе бидат обезбедени потребните 80 гласови за законот за јавно обвинителство. Од ДУИ, Алијанса за Албанците и од Беса велат дека ќе го поддржат законот.