Коронавирусот стигна и во Австрија: Првите два случаи на заразени во Инсбрук

Австриските власти потврдија дека кај две лица е потврдено присуството на коронавирусот.

Во првиот случај се работи за 24-годишен маж кој изминатиов период престојувал во италијанска област Ломбардија, каде има голем број заразени лица. Тој со симптоми на треска и висока температура бил хоспитализиран во Инсбрук, каде што лекарите потврдиле дека се работи за лице заразено со коронавирус.

Вториот потврден случај е 55-годишен маж кој е хоспитализиран со симптоми на болеста. И тој изминатиот период престојувал во Италија, па лекарите сметаат дека таму и се заразил.