Коронавирусот веќе зарази повеќе од 95.000 луѓе ширум светот.
Бидејќи Италија пријави повеќе од 3.000 заразени и многу европски и азиски земји се соочуваат со поголем број на инфекции, британското издание на Sun објави популарни дестинации за патувања кои сè уште не се „покосени“ од коронавирусот.
Сè уште има голем број дестинации до кои може да се патува до работа или одмор заради недостаток на регистрирани случаи на заразени. Сепак, ова може да се промени на краток рок, па затоа се препорачува да останете во чекор со советите за патување во земји без коронавирус, кои сепак се на штрек, предупредува изданието.
Еве каде досега не е објавено коронавирус во Европа:
Дестинациите во Европа кои остануваат непогодени од епидемијата вклучуваат Малта, Бугарија и Кипар, без пријавени случаи.
Лансароте, од друга страна, е еден од ретките острови во Шпанија кои не се засегнати, заедно со Ибица и Гран Канарија.
Советите за патувања посочуваат дека, засега, овие дестинации се безбедни за патувања.
Одморите на Малдиви или Зелено’ртските Острови се, исто така, без проблеми, бидејќи коронавирусот не се шири во овие региони.
Турција, исто така, нема пријавено случај на коронавирус, а Лаос и Мјанмар во Југоисточна Азија остануваат незасегнати, иако се препорачува претпазливост заради нивната близина на земјите кои пријавуваат случаи на коронавирус.
Иако не се пријавени случаи на коронавирус, има земји каде туризмот сè уште се распаѓа заради новата закана.
Индонезија планира да потроши повеќе од 500.000 фунти на туризмот поради падот на туристи, а министерот за финансии на Нов Зеланд рече дека земјата се соочува со „сериозно влијание“ од вирусот.
Во Италија, 90% од резервациите се откажани, а во Тајланд тоа е случај со 10% од хотелските резервации.