Негативни се резултатите за лицето кое утрово министерот за здравство, Венко Филипче најави дека се чекаат резулати.
Лицето било вратено во земјава на 7 март, а откако утрово почувствувало симптоми, веднаш се јавило на Инфективната клиника.
Негативниот тест го потврди премиерот Оливер Спасовски на прес конференцијата по лидерската средба, на која присуствуваше и министерот Филипче.
Спасовски појасни дека во зависност како се развива ситуацијата, некои препораки стануваат забрани, но и дека редовно се објавуваат, после секоја владина седница.
Премиерот уверува дека во државата нема скриен податок во однос на коронавирусот. Тој посочува дека е глупост да се кријат случаи заразени со коронавирусот, додавајќи дека ако треба не по двапати, туку по повеќепати ќе информираат, се во име на транспарентноста.
А.Т.