Хрватска ќе воведе огромни казни на лица кои го нарушуваат режимот на карантин – ќе бидат казнети меѓу 1.100 и 15.000 евра.
Ова го објави весникот „Вечерњи лист“, повикувајќи се на главниот санитарен инспектор на државата, Андрија Микулиќ.
Според Микулиќ, лицата кои го нарушуваат карантинскиот режим на двонеделна самоизолација, по пристигнувањето од високо-ризични земји заразени со коронавирус, ќе бидат казнети.
Во моментов, бројот на заразени со новиот коронавирус во Хрватска е 49, при што тројца се опоравуваат. Околу 8.000 граѓани на земјата се во изолација.
Властите размислуваат да ги затворат државните граници за да спречат ширење на вирусот.
Досега граничните пунктови се значително зајакнати и возачите и патниците се темелно испитувани за знаци на заболување.