Болницата Папа Јован XXII во Бергамо е најтешко погодена од пандемија на коронавирусот. Овој град се наоѓа на северот на Италија, во провинцијата Ломбардија, која е најтешко погодената област во земјата. Сцените од оваа болница се ужасни. Ходниците се полни со болнички кревети со пациенти кои се борат да земат воздух. Медицинскиот персонал кој носи маски, ракавици и заштитни костуми брза. Сè е преполно со пациенти со коронавирус, вклучително и просториите за чекање.
Бројот на ново пристигнати пациенти не опаѓа, а истото се случува и низ северна Италија. Болниците ја губат битката со вирусот. Персоналот работи постојано, во обид да зачува што повеќе пациенти, да ги спаси од смрт. Тие се собираат околу ново пристигнатите пациенти за да им стават монитори за мерење на срцевиот ритам, инфузија и што е најважно, респиратори. Без нив, пациентите не можат да преживеат.
На прв поглед, се чини дека сте во единица за интензивна нега, а всушност сте во одделот за итни случаи. Интензивната нега е веќе полна. Има луѓе во брзата помош кои штотуку пристигнале, но и тие се во сериозна состојба. Сите оддели се толку полни што многу тешки случаи не се сметаат за критични сè додека не се на работ на смртта. Инфицираните постојано доаѓаат.
И покрај респираторите, пневмонијата одзема животи
Главната болница во Бергамо досега ги демантираше медиумите, но тие одлучија дека е императив целиот свет да види со што се занимаваат. Тие сакаат да ги охрабрат народите и властите насекаде да направат нешто. Италија е фатена неспремна, но тоа не може да биде случај со остатокот од светот, ни велат тие.
Медицинскиот персонал има потешкотии во комуникацијата со пациентите преку респиратори. Како и да е, тие се слаби, едвај зборуваат, и тие се глуви од мрморењето во болницата и постојаните звуци на отчукување на срцето на мониторот. Речиси е невозможно да се разбере што тие велат. Задачата на респираторот е да ја изедначи количината на кислород во белите дробови.
Лекарите од Бергамо велат дека КОВИД-19 не влијае на телото исто како и грипот, туку како хронична пневмонија, која секојдневно одзема стотици животи. Д-р Роберто Козентини, директор на Секторот за управување со итни случаи и прием, вели дека тие никогаш не виделе ваков вид нарушување.
„Станува збор за исклучително тешка пневмонија која го оптеретува целиот систем, затоа што секој ден имаме 50-60 нови пациенти кои се во сериозна состојба веднаш штом пристигнат во болницата, а на повеќето им е потребна голема количина кислород“, откри Косетини за „Sky News“. Тој додаде дека тие ја реконструирале болницата на три нивоа на интензивна нега.
Д-р Лоренцо Грациоли признава дека е контактиран од колеги од странство и дека е загрижен. Тој ги повикува другите земји да го следат примерот на Кина и Италија и да затворат сè. Ова ќе го забавува ширењето на инфекцијата, иако не го поразува вирусот.
„Никогаш не сум бил толку под стрес во мојот живот. Јас сум интензивист и навикнат сум на напнати моменти и да донесувам тешки одлуки. Луѓето се наоѓаат во критична состојба овде. Тие умираат без лекување и ние можеме само да им помогнеме. Сега дојдовме до точка да се запрашаме дали правиме доволно. Имам стотици анестезиолози и ние даваме се од себе, но можеби тоа не е доволно“, вели Грациоли.
Лабораторијата на болницата во Бергамо постојано се подложува на тестирање на вируси за да се најде начин да се запре. Сепак, персоналот вели дека е потребно многу време. Здравството низ целиот свет се соочува со голем проблем. Кога кривата на зараза се искачува, тоа го прави нагло и силно, па затоа е императив веднаш да се искористат сите расположиви ресурси, материјали и тестирања. Голем број болници бараат иста работа одеднаш. Ова предизвикува преоптоварување на здравствениот систем. Во Бергамо ја нарекуваат оваа ситуација апокалипса и му испраќаат порака на светот: „Бидете подготвени“.