Луѓе кои носат маски веројатно ќе станат ново правило, според експертот на Светската здравствена организација (СЗО) Дејвид Набаро.
Тој за Би-Би-Си изјави дека општествата мора да се прилагодат и „да научат да живеат со нова реалност“ затоа што вирусот корона најверојатно ќе биде присутен уште некое време.
– Овој вирус нема да исчезне. Не знаеме дали луѓето кои имаа вирус ќе бидат имуни после тоа и не знаеме кога ќе ја имаме вакцината, истакна д-р Набаро.
Тој изјави дека луѓето ќе треба да се заштитат себеси, да носат маски, да држат физичко растојание и да ги заштитат ранливите.
„Мора да стане навика, тие симптоми, дури и благите, навистина сериозно да се сфатат сериозно“, истакнува експертот на СЗО.
Д-р Набаро исто така предупредува на опасноста од „влажните пазари“, како и за убивање и јадење диви животни, откако овој тип на пазари повторно се отворија во кинескиот град Вухан, каде започна пандемијата „КОВИД-19“.