Шпанија ги укинува мерките за ограничување во две фази

Владата на Шпанија планира да ги укине сегашните ограничувачки мерки во 2 фази: првата ќе трае во текот на летото, а втората до крајот на годината, рече денес Јоланда Дијаз, министер за труд и социјална економија.

„Ќе работиме во две фази. Во текот на летото ќе се осврнеме на секторот производство и работни места, а втората фаза ќе трае до крајот на годината. Укинувањето на мерките ќе оди постепено“, рече Дијаз за време на интервјуто за ТВЕ, пренесува Си-Ен-Ен.

Дијаз рече дека сите решенија за укинување на мерките ќе бидат засновани на советите на здравствените работници, но додаде дека „нормалниот начин на живот нема да биде ист како порано“.