Филипче: Во четврток ќе се знае дали за 1.Мај ќе има тридневен карантин

Министерот за здравство во гостувањето на ТВ Стител, во емисијата „Ја сакам Македонија“, најави дека најверојатно во четврток ќе се знае дали ќе има карантин за Први мај.

-Се уште е рано да се каже дали ќе има тридневен карантин за викендот кој следни односно за првомајските празници. Во зависност на бројот на новозаболени, во соработка со комисијата за заразни болести и нивната анализа, ќе ја донесеме заеднички одлуката која најверојатно ќе ја соопштиме во четврток.Тешко е да се биде затворен, но со помош на оваа мерка успеваме успешно да се избориме со коронавирусот.Ова е време кога сите треба да се воздржиме за доброто на сите, изјави Филипче.