Адвокатот на Мајкл Мадсен, Пери Вандер, наговести дека актерот починал поради алкохол, а делумно ја обвинува поранешната сопруга на актерот за ова.
Легендарниот актер беше пронајден во несвест во својот дом во Малибу рано наутро во четврток. Неговиот менаџер рече дека Мадсен починал од „срцев удар“.
Пери Вандер, кој ја застапува ѕвездата 20 години, не беше скржав во опишувањето на проблемите на ѕвездата од „Reservoir Dogs“.
„Разговарав со Мајкл пред два дена“, изјави Вандер за Дејли Меил, признавајќи дека знаел дека не е добро.
Тој рече дека Мајкл страдал од последиците на алкохолизмот: „Имаше неколку периоди на рехабилитација. Се мачеше да остане трезен. Не беше задоволен од својот живот“.
Мадсен се соочи и со тешка правна битка со својата отуѓена сопруга, во која, според неговиот адвокат, тие се бореле за алиментација и други финансии.
„Ја обвинувам што му го загорчи животот во последните години од неговиот живот“, рече Вандер, тврдејќи дека правната битка во која му беше одземен пасошот влијаела врз неговата можност да патува и да работи во странство.
Тој додаде и дека Мајкл живеел живот полн со жалење: „Тие жалења се поради неговите два брака“.
Прерано е да се каже дали наводниот алкохолизам на Мадсен придонел за неговата ненадејна смрт.