АЕК бара нов мобилен оператор – цените на мобилната телефонија поскапени

Како резултат на меѓупкомпаниските спојувања на телекомуникацискиот пазар, цените во мобилната телефонија се зголемени – информираа од Агенцијата за електронски комуникации.

Од таму велат дека по спојувањето на Македонски телеком со Т-мобиле и на Оне со Вип, цените за мобилната телефонија се зголемиле за 15 отсто, а пораст е регистриран и на цените на мобилниот интернет за околу 20 проценти. Од агенцијата велат дека се прави  обид  да привлече нов мобилен мрежен оператор во земјава за да се зголеми конкуренцијата. Неодамна пазарот го напушти “Албафон“ кој влезе како четврти мобилен оператор, но се отакажа по две години работа во земјава./24 Вести.