Сите треба да ја почитуваат независноста на судиите кои што треба да бидат слепи за политичките влијанија и јавните мислења и да бидат водени од начелата кои што се втемелени во нашите уставни, изјави американската амбасадорка Анџела Агелер на меѓународната конференција на тема „Уставно-судска заштита на слободата на мислата и слободата на јавно изразување на мислата“.
Како што порача Агелер на церемонијата за 60 години Уставен суд во земјава, „американскиот уставен судија се уште смета дека нашиот Устав не е напишан во песок за да може да се измие со секој бран од нови судии кои што се под влијание на политички бранови“.
-Притисокот кој што е ставен врз судиите во овие судови може да биде огромен, но ние како граѓани инсистираме тие притисоци да бидат елиминирани и нашите судии секогаш да бидат независни. Од аспект на претстојните избори, судската независност е од суштинско значење како и секогаш досега. Само независни судии можат да го запазат владеењето на правото и да ги заштитат правата. Судиите мора да делуваат објективно и правично. Јас имам слушнато многу од вас за притисоците. Притисоците врз судската власт во С. Македонија е нешто што мора да престане. Судиите мора да бидат ослободени, за да можат да го практикуваат правото. Граѓаните имаат потреба од тоа и се повеќе го бараат, рече меѓу другото Агелер во своето обраќање.