238
Командантот на Генералштабот на поранешната Ослободителна војска на Косово, Агим Чеку, беше повикан во Специјалниот суд за гонење на злосторства на членови на таа организација за време и по конфликтите во 1998 и 1999 година.
Агим Чеку е повикан во Специјалниот суд во Хаг како осомничен, а тој ќе се појави пред истражителите на обвинителството на 28 септември.
Чеку потврдил дека поканата за испрашување ја добил вчера.
Пред него, другите членови на Генералштабот, како и водечките регионални команданти на поранешната ОВК – Хашим Тачи, Кадри Весељи, Рамуш Харадинај, Јакуп Красниќи, Сами Љуштаку, Рустем Бериша и други – веќе беа сослушани во Специјалниот суд.