Агуеро бега од Сити, се враќа во Аргентина

Напаѓачот на Манчестер Сити и аргентинската репрезентација, Серхио Агуеро има намера да ја заврши својата кариера во својата татковина.

29-годишниот напаѓач планира да го заврши својот договор со англискиот клуб, а потоа се враќа во Индепендиенте.

„Имам договор со Манчестер Сити до 2020 година и кога ќе заврши, ќе се вратам во мојата земја во Индепендиенте, изјави Агуеро за „Фокс Спортс“.

Аргентинецот ја започна својата кариера во 2003 година, имено во Индепендиенте и игра за тимот до 2006 година. Тој има 23 гола во 56 натпревари.

Агуеро отиде во Сити од Атлетико Мадрид во 2011 година и стана најдобар стрелец во историјата на клубот со 199 гола во 289 натпревари.