Лидерот на ДУИ денеска се сретнал со делегација на Атлантскиот совет од Вашингот на која што разговарале за ситуацијата во Македонија и за пријателството помеѓу САД и Македонија.
САД биле и ќе останат партнер на Албанците, на нашата земја и на регионот, затоа и нашата соработка со американските власти во Македонија и во САД ќе продолжат бидејќи беше плодна за сите, изјавил Али Ахмети, лидерот на ДУИ на средбата со делегација на Атлантскиот совет од Вашингтон.
– Ја изразив мојата длабока благодарност за сите наши пријатели во меѓународната заедница, а особено ја истакнав големата и безрезервна поддршка за американската администрација во Скопје и во Вашингтон нагласувајќи ја клучната улога и нашата искрена и тесна соработка кон остварување на заедничката цел, демократско општество интегрирано во вредностите на евроатланската заедница – рекол Ахмети, соопшти ДУИ.