Лидерот на ДУИ, Али Ахмети, преку својата Фејсбук страница најави дека ДУИ ќе поднесеме иницијатива за итно свикување на Собранието.
„Последните случувања во земјата, и одењето на избори на 5 јуни, без учество на ДУИ, СДСМ и ДПА, не претставуваат почетокот на решавање на политичката криза, туку на нејзино продлабочување.
Ние сме посветени да се најде решение во согласност со интересите на нашите граѓани и очекувањата на меѓународната заедница.
Решението започнува со итно враќање на парламентот, така што ќе преземеме конкретни активности во оваа насока во наредните денови со цел за овој момент да се случи што е можно поскоро и да се врати стабилноста и безбедноста со евро-атлантска перспектива.
Ги охрабрувам сите политички партии да се приклучат на нашите иницијативи за враќање на парламентот и да се започне заедничко решавање на кризата“, напиша Ахмети на Фејсбук.