Претседателот на Демократската унија за интеграција, Али Ахмети, денес во Скопје се сретна со американскиот помошник државен секретар, Вес Мичел и амбасадорот на САД, Џес Бејли.
„Високиот претставник од Соединетите Американски Држави ја поддржа евроатланската перспектива на Македонија и регионот. Ахмети изрази голема благодарност за придонесот на Соединетите Американски Држави за слободата, мирот и демократизацијата не само во Македонија, туку во цела Југоисточна Европа. Постигнатиот успех во овие две децении е заеднички и се заокружува со спроведувањето на Договорот од Преспа и интеграцијата во НАТО и ЕУ“, соопштија од ДУИ по средбата..
Од таму велат дека Ахмети лично, но и сите од Демократската Унија за Интеграција се целосно мобилизирани и посветени на успехот на овој процес затоа што, како што велат, тоа го сакаат граѓаните на ова земја, Албанците, Македонците и сите други.