Ако ги препознаете овие знаци, треба да престанете да пиете вино

од Stefanija Kuzmanovska

Виното отсекогаш се сметало за „добар“ вид на алкохол за нашето здравје. Тој е добредојден додаток на медитеранската исхрана, а се смета и за корисен за здравјето на срцето поради неговите антиоксиданси.

Сепак, консумирањето алкохол од секаков вид, вклучително и виното, може да создаде некои негативни здравствени ефекти поради начинот на кој телото реагира на неговите хемиски својства.

Алкохолните пијалоци содржат етанол, органско хемиско соединение направено од растителни материјали кој се произведува со ферментирање на шеќер. Се смета за психоактивна супстанција (која предизвикува изменета перцепција за расположение, свест и однесување).

Значи, ако вашето тело лошо реагира на пиење чаша вино или каков било алкохол, еве неколку предупредувачки знаци на кои треба да внимавате.

Тешко дишете
Според студија објавена во Journal of Allergy and Clinical Immunology, 33 отсто од учесниците доживеале астма предизвикана од алкохол, а виното е најчестиот предизвикувач. Иако треба да се направат повеќе истражувања, експертите шпекулираат дека астмата предизвикана од виното може да се должи на сулфитите во виното, кои најчесто се користат како конзерванс.

Чувствувате силни главоболки
Да, „винските главоболки“ се реални, и тоа не поради сулфити, иако тоа е популарното верување околу оваа состојба.

Харвард Хелт објаснува дека некои луѓе имаат недостаток на ензимот кој го разградува хистаминот во тенкото црево. Хистаминот е соединение кое се наоѓа во кората на грозјето и е поизразено во црвеното вино отколку во белото. Консумацијата на алкохол всушност може да го инхибира овој ензим, кој може да предизвика зголемено ниво на хистамин во крвта, проширување на крвните садови и главоболки.

Кожата ви е црвена
Црвенилото е добро позната реакција на пиење алкохол, а првенствено се јавува на лицето. Американскиот национален институт за злоупотреба на алкохол и алкохолизам (NIAA) вели дека црвенилото на лицето се јавува поради нетолеранција на алкохол, што ги тера луѓето помалку ефикасно да го метаболизираат алкохолот. Црвеното лице може да биде придружено и со гадење, низок крвен притисок, влошување на епизодите на астма и мигрена. Тоа е дури и поврзано со поголем ризик од рак.

Зависни сте
Ако сметате дека често ви треба чаша вино, можеби е време да разговарате со лекар или друг медицински професионалец за зависноста.

ЦДЦ наведува дека зависноста од алкохол не секогаш значи дека пиете премногу, но може да вклучи актуелна или претходна историја на прекумерно пиење. Зависноста од алкохол се смета за хронична медицинска состојба која вклучува „силна желба за алкохол, континуирана употреба и покрај повторените проблеми со пиењето и неможност да се контролира консумирањето алкохол“.

NIAA наведува дека секоја жена која консумира повеќе од три пијалоци дневно или седум неделно, или маж со четири пијалоци дневно или 14 неделно, има висок ризик да развие нарушување на употребата на алкохол. Управата за злоупотреба на супстанции и услуги за ментално здравје (SAMHSA) ја дефинира тешката употреба на алкохол како пиење пет или повеќе дена во текот на месецот.

Според истражувачите, алкохолот се смета за најштетна супстанција дури и во споредба со наркотиците. Ако ова е нешто со кое се борите, треба да посетите лекар, пишува Eat this, not that.

Слични содржини