Актер кој претходно со подморницата „Титан“ го обиколил потонатиот Титаник, тврди дека батериите на подводното пловило наеднаш се потрошиле за време на експедицијата, поради што морале да се вратат пред време.
Алан Естрада, актер од Мексико, ги откри застрашувачките детали за тоа како изворот на енергија на Титан брзо паднал на 40 проценти кога отишле да ги видат остатоците од несреќниот брод во јули 2022 година. Ова резултирало со тоа што Естрада и неговите придружници поминале само еден час кружејќи по остатоците наместо четири часа, за да можат да се вратат на површината пред подморницата да ја изгуби моќта.
– Подморницата има две батерии. Ако втората падне на само 40 проценти, треба веднаш да се вратите на површината. Тоа значи дека нема да бидете таму во четирите часа како што ви кажаа, изјавил актерот кој сепак успеал да направи неверојатно селфи на кое стои пред отворот на „Титан“ со „Титаник“ во позадина.
Влогерот раскажал и како „Титан“ имал двочасовен прекин во комуникациите за време на патувањето.
Естрада е една од неколкуте луѓе кои денеска и вчера зборуваа за комуникациските проблеми поврзани со подморницата, која ја снема од радарите час и 45 минути по заминувањето на петчлената експедиција на Титаник во неделата.
„Титан“ оттогаш не е виден, додека се проценува дека на патниците им остануваат уште само 20 часа кислород.
Естрада, чие патување со подморница го платиле спонзорите, вели дека првично било планирано за јули 2021 година, но било одложено една година поради неодредени „потешкотии“ со Титан.
– Мојата најголема грижа очигледно беше да не се настрадам. Секој што заминале се свесни за ризиците. Не е изненадување, додал актерот.
Германскиот авантурист Артур Лоибл рекол дека неговото патување во август 2021 година до Титаник на Титан било „самоубиствена мисија“ откако претрпел низа проблеми со струјата, а делови дури и испаднале од подморницата.
Подморницата „Титан“, која превезувала пет патници меѓу кои и извршниот директор на компанијата Стоктон Раш, изгубила контакт со матичниот брод околу час и 45 минути по нуркањето.
-Со цело срце сакам да се најдат. Денес е клучен ден за спасување. Се надевам дека ќе ги најдат здрави и живи, додал Естрада.
Фото: ABACA / Abaca Press / Profimedia, Printscreen/Facebook