Во моментов активни се 9 пожари на територија на Македонија, додека под контрола се 6. 15 пожари се целосно изгасени, но и тие не се сигурни, бидејќи некои од нив, изминатите денови повторно се активираа и почнуваа со горење. Ова денеска го обелодени првиот човек на ЦУК, Стојанче Ангелов.
Според него, за пожарот во Општина Чашка, с.Габровник, с.Мокрени, с.Јаболчиште, с.Дреново врв Лисец ќе бидат ангажирани 2 хеликоптери (МВР и АРМ), со дополнителни ангажирани локални сили и подршка од 55 припадници на Армијата.
Во општина Македонски Брод, с.Тажево кон с.Брезница ќе биде ангажиран хеликоптер на АРМ (Ми 17), со дополнителни ангажирани локални сили и подршка од 30 припадници на Армијата.
На територијата на општина Кавадарци, с.Фариш, ќе дејствуваат 2 ер трактори од ДЗС, со дополнителни ангажирани 20 припадници на САЕ Тигар на МВР.
На општина Градско, кај Криволак кон Брегалница, за пожарот кој доаѓа од Криволак, ќе бидат ангажирани 30 припадници на САЕ Тигар.