Цените на горивата ќе се намалат, доколку се изменат законските решенија.
Доколку пратениците го сменат законот ќе се воведе ДДВ од 5 отсто за дизел, безоловен бензин, гасно масло, течен гас и метан, а се намалува и акцизата врз основа на берзанските цени, така што дизелот ќе се намали од 85,5 на 75 денари, а бензините од 91,5 денари ќе се намали на 85 денари.
-Измени на законот за акциза и законот за ДДВ ќе бидат испратени до Собранието. Сите пратеници имаат одговорност пред сите граѓани на оваа држава. Се наоѓаме во најголемата економска криза. Најголемите извозници на гас и метал се во војна. Одговорноста на сите партии е да го поддржат овој пакет мерки кој чини 400 милиони евра, кажа денеска премиерот Димитар Ковачевски соопштувајќи го новиот пакет мерки со цел да се спречи ценовниот шок.