Најголемото и најгламурозното доделување на филмски награди се одржа оваа недела, во знакот на триумфот на филмот „Опенхајмер“, кој освои дури седум награди. Иако веќе летово беше прогласен за фаворит, тензијата на целата вечер се зголеми со пристигнувањето на последната категорија во која беа номинирани дури десет филмови, а честа да го прочита победникот годинава му припадна на легендата Ал Пачино.
Најголемата возбуда и почит кон номинираните се случува токму во моментите кога водителот застанува на сцената, ги чита имињата и пушта кратки клипови од номинираните, а годинава во последната категорија тој дел беше прескокнат.
Токму поради ова, многумина го осудија холивудскиот гигант што ги лиши гледачите од тој највозбудлив момент на наградата кога тензијата за прогласување најдобар филм на годината беше на врвот. За да се одбрани, самиот Ал Пачино се огласи и тврдеше дека идејата веднаш да се прочита победникот не е негова.
„Само сакам да бидам јасен дека не ми беше намерата да ги изоставам, одлуката на продуцентите беше да не ги повторувам повторно бидејќи беа истакнати поединечно за време на церемонијата. Ми беше чест да бидам дел од вечерта и решив да го следам начинот на кој тие сакаа да им биде доделена оваа награда“, рече Пачино, додавајќи дека длабоко сочувствува со оние кои беа занемарени од овој превид.
По читањето на филмот „Опенхајмер“ како победник во категоријата за најдобар филм, прво настана метеж во салата бидејќи сите од публиката беа свесни дека дел е прескокнат, а потоа екипата на победничкиот филм се собра на сцената.