Пожарите што беснеат во Шпанија со денови уништија бројни шумски површини, а службениците се загрижени дека слична ситуација може да продолжи и во наредните денови.
Властите се особено загрижени за оние што ги погодуваат провинциите Оренсе, Замора и Леон.
Сепак, постои загриженост и за активните пожари во Касерес, Астурија и Мадрид. Досега, пожарите одзедоа два живота во Мадрид и Леон – 50-годишен маж во Трес Кантос (Мадрид) и 35-годишен маж кој се пријави доброволно да го изгаси пожарот.
Илјадници хектари изгореа низ целата земја, поради што повеќе од 5.000 луѓе ја поминаа вечерта во вторник пред своите домови.
🔥 Este miércoles continúa el peligro de incendios en niveles muy altos o extremos en la mayor parte de España, pese a la probabilidad de chubascos en muchas zonas.
→ Estamos en el momento más adverso de la temporada. ¡Extrema las precauciones!https://t.co/Eyx5iwJC4t pic.twitter.com/Co33BGCZyQ
— AEMET (@AEMET_Esp) August 13, 2025
Особено загрижувачка е изјавата на Шпанската метеоролошка агенција, која, заедно со објавената мапа, објасни дека земјата продолжува да се соочува со висок ризик од пожари во наредните денови.
„Оваа среда, ризикот од шумски пожари останува на многу високо или екстремно ниво во поголемиот дел од Шпанија, и покрај можноста за врнежи од дожд во многу области. Се наоѓаме во најкритичниот момент од сезоната. Преземете екстремни мерки на претпазливост“, рекоа тие.
Премиерот на Шпанија, Педро Санчез, исто така, зборуваше за пожарот.
„Екипите за итни случаи продолжуваат да се борат со пожари во различни делови од нашата земја. Ситуацијата со пожарите останува сериозна. Потребна е екстремна претпазливост. Ви благодарам уште еднаш на сите вас кои неуморно работите за борба против пожарите“, рече премиерот на земјата.