По новиот пораз во Серија А, овојпат од Болоња, тренерот на Милан, Серхио Консеисао не го криеше незадоволството од случувањата на и надвор од теренот.
Португалскиот стручњак остро ги критикуваше судиските одлуки и реакцијата на навивачите, но и увери дека тоа нема да биде проблем за „росонерите“, изразувајќи подготвеност да си замине доколку е потребно.
Консеисао отворено проговори за својата ситуација, потенцирајќи дека ја немал заслужената почит за одредени резултати на „Сан Сиро“.
„Јас и мојот тим даваме се од себе. Постојано слушам за можно заминување. Жал ми е што не ја добивам почитта што ја заслужувам. Не сум од вчера во фудбалот. Ги победив Сари, Пиоли и Ди Франческо во Европа, загубив само од Интер и освоив 13 трофеи во Португалија. Имам речиси 100 натпревари во Лигата на шампионите. Сакам почит како личност бидејќи имам семејство. За мене и мојот статус овде се зборува секој ден. Кога веќе нема да бидам потребен, ќе ги спакувам куферите и ќе си одам без да барам ниту едно евро“, изјави синоќа Консеисао.