Крилото на Алијанса за Албанците предводено од Зијадин Села го обвинува министерот за здравство, Арбен Таварави како главен виновник што на Албанци на различни клиники им се раскинуваат договорите.
Велат дека во времето кога Алијансата за Албанците беше во Владата, „нашите министри предложија и ја донесоа одлуката за распишување на оглас за повеќе од 1100 вработени во здравството, со која беше предвидено вработените со договор на дело да земаат решенија за трајно вработување“.
Овој конкурс го процесираше поранешниот министер Илир Демири до последната фаза на тестирање и интервјуа. Со доаѓањето на Таравари на чело на министерството, тој од неговиот кабинет испрати мејл до сите институции да ја стопираат процедурата за спроведување на огласите, додека веднаш почна со разрешување и смена на директори, со цел полесно да се реализира ова сценарио.
Во дописот до здравствените установи Таравари пишува дека ќе следат и други активности, додека сведоци сме дека единствени активности што следеле биле раскинување на договорите за вработените Албанци и нивна замена со активисти на ВМРО и ЗНАМ.
Со оваа одлука, како и со одлуката за укинување на економските директори и врзаните потписи, Таравари потврди дека единствена негова мисија е спроведувањето на проектот на моноетничката влада за деалбанизација на здравството, велат од Алијанса за Албанците.