Холивудската актерка Алиса Милано е уапсена во Вашингтон поради учество на протест пред Белата куќа. Демонстрантите решија да излезат на улица и да побараат промени во правото на глас, но полицијата ги уапси бидејќи законот во Вашингтон забранува собирање толпи и окупирање на тротоари, а актерката се огласи на Твитер за да ја коментира целата ситуација.
-Јас бев уапсена додека протестирав и барав од администрацијата на Бајден и Сенатот да го заштитат избирачкото право. Застанете покрај мене и кажете им на Сенатот и Белата куќа дека секој мора да ги има овие права, без разлика каде живее – напиша Алиса, која протестираше со дваесетина други луѓе, а се беше снимено од фотографите.
Актерката е позната по своите политички убедувања, за кои често зборува јавно, а во 2019 година го сподели своето искуство за абортусот, кога законите на одредени сојузни држави ги нарече „напад врз телото на жената“.
-1993 година имав два спонтани абортуси, бев млада и лудо заљубена. Бев луда и возбудена. Да се породев тогаш никогаш немаше да имам кариера, немаше да можам да го користам гласот како што го користам сега. Никогаш не би можела да бидам „јас“. Ова е борба за слобода – откри актерката во интервју.
Таа честопати споделува моменти од својот живот на социјалните мрежи, па отворено зборуваше за борбата против коронавирусот.
Минатата година, актерката се бореше со коронавирусот четири месеци, а на социјалните мрежи сподели неколку објави за нејзината борба и откри дека косата и паѓа од болеста, а потоа откри дека иако се чувствувала подобро, битката не била завршена.