Обично доверливиот американски Consumer Report (CR) направи истражување за тоа кои брендови ги прават најдобрите автомобили. А резултатите се повеќе од контроверзни.
Најпрво, да ги дефинираме критериумите: Вкупниот рејтинг за поединечни модели се заснова на четири клучни фактори: тест на патот, доверливост, задоволство на сопственикот и безбедност.
За евалуација на патниот тест, новинарите на Consumer Report ги подложија возилата на повеќе од 50 тестови.
Чудни „зелени“ критериуми
Предвидените оценки за доверливост се засноваат на проблеми пријавени од читателите и тие се појавуваат во 20 можни проблематични области дефинирани според годишните автомобилски истражувања на CR.
Предвидувањата за задоволството на сопствениците се засноваат на тоа дали читателите на CR во анкетите кажале дека повторно би го купиле истото возило доколку им се даде шанса.
Безбедноста вклучува проценка на сите достапни резултати од тестот за судир и дополнителни поени доделени на возилата што се стандардни со клучните системи за спречување судари.
Конечно, „Зелените избори“ отсликуваат колку возила од одредена марка тестирани во CR ја добиле ознаката како меѓу првите 20 проценти од возилата со најчисти емисии.
А кога се ќе се собере и одземе, најдобро е BMW. Тоа лесно би можело да се објасни со старата американска заљубеност кон германските автомобили, ако во исто време Audi не е 12-ти, VW е 26-ти, а Mercedes е само 29-ти од вкупно 34 марки кои се во истражувањето.
Mini, на кој вообичаено не му оди најдобро во вакви анкети, сега е на високото 6-то место, дури три позиции пред Toyota.
Genesis пред Teslа
Ниту Tesla, која е само на 18-то место, не се прослави, а веројатно особено ги боли што се полошо рангирани од – на пример – Genesis.
Изненадувачки е и тоа што многу високо се рангирани американски брендови: Buick и Cadillac се пред Ford, кој го има најпродаваниот модел во САД.
Веројатно се работи за критериуми, особено за оние „зелените“, но интересно е што марките кои нудат само теренски или пик-ап автомобили се позади: Land Rover и Jeep предничат, а GMC е блиску.