Американскиот актер и пејач Били Портер откри дека е позитивен на ХИВ, кој му беше дијагностициран во јуни 2007 година, но со години тоа го криел од сите, вклучително и од неговата мајка.
„Се обидував да имам живот и кариера и не бев сигурен дека можам ако погрешни луѓе го знаат тоа“, почна да признава Били пред „Холивуд репортер“, додавајќи:
„Тоа би бил само уште еден начин да ме дискриминираат во веќе дискриминирачка професија“, додаде тој.
Тој вели дека 2007 година била најлошата година досега. Покрај ХИВ, тој бил дијагностициран со дијабетес и потпишал документи за банкрот.
„Да се биде ХИВ позитивен, во местото од каде што доаѓам и со оглед на растењето со многу религиозно семејство, е Божја казна“, вели Портер.
Актерот откри дека толку се срамел од ХИВ-дијагнозата што ја скрил и од неговата мајка, која веќе се соочувала со верски прогон поради нејзиниот хомосексуален син.
„Со себе склучив пакт дека ќе ја пуштам да почина пред тоа јавно да го кажам. Го чекав тоа, искрено “, рече Портер, но на крајот и го признал годинава.